Мектебімізде 16 қазан -"Нан күні", қазанның үшінші жексенбісі "Ауыл шаруашылығы, тамақ және өңдеу өнеркәсібі қызметкерлер күніне" орай, 1-4 сыныптарына "Ас атасы - нан" атты өнегелі сабақтары, 5-8 сыныптарына "Ас атасы -нанның қадірін білеміз бе? тақырыбында пікірлесу сабақтары мен 9-11 сынып оқушылары арасында Бесағаш ауылының ардагер агрономы - Байулиев Берік Байұлымен кездесу сабағы ұйымдастырылды. Кездесуде "Еңбек даңқы" I дәрежелі медалінің иегері -Берік ағай оқушылардың сұрақтарына жауап

Қазан айының 4-6 күндері аралығында Нұр -Сұлтан қаласында әлемнің 6 мемлекетінен 1400 спортшының қатысуымен "Кимано kz" атты Дзю-до күресінен халықаралық турнир өтті. Дүбірлі додада мектебіміздің 8"А" сынып оқушысы -Әлімби Әли 46 кг салмақ дәрежесінде I орынды жеңіп алды. Әлиді жеңісімен құттықтай отырып, "Олимп шыңын" бағындыруына тілектеспіз!!!

Мектебімізде қазан айының алғашқы аптасы Ұлағатты ұстаздар мерекесіне арналды. 11 сыныптың оқушылары "Өзін-өзі" басқару күнін ұйымдастырып, мұғалім орнына балаларға сабақ беруге көмектесті. Апта соңында білім алушылар таңертең ұстаздарды әсем әуен, жылы көңілмен мектеп ауласында қарсы алып, "флешмоб" биін тамашалауды ұсынды. Мереке соңы "ұстаз аты- биік әрі мәңгілік!" атты концерттік бағдарламамен аяқталды.

Табиғат адам бойында адамгершілік абзал қасиеттерді қалыптастыратын ұлағатты ұстаз, тәлімі мол тәрбиеші. Ендеше, ұлы табиғатымыздың құрметіне бүгінгі 3 қазанда Қазақстандағы барлық мектепте "Эко сағат" кең көлемді акциясы аталып өтті. Аталған акцияға мектебіміздің оқушылары да атсалысты. 1-11 сынып оқушыларына біріңғай экосағаттарда танымдық-дамытушылық сабақтар мен қоршаған ортаны қорғау туралы бейнеайналымдар көрсетілді. Сонымен қатар, мектеп жанындағы учаскелерде жасыл желектер отырғызылды.

"Қарттарым-асыл қазынам", "Дария кеуде, тау мүсін, Қарттарым аман-саумысың?" деген аталы сөз осыдан қалса керек-ті. 1 Қазан-халықаралық қарттар күні елімізде ғана емес, дүние жүзінің түкпір-түкпірінде қарттарға арналған іс-шаралар өткізілуде. Игі дәстүрден біздің Абай атындағы орта мектебіміз тыс қалған емес. "Жас Ұлан" ұйымының мүшелері мен мектеп оқушылары ауылымыздағы жалғызбасты қарттарымыздың үйлеріне барып, қажетінше үй шаруасына көмек тигіздік. Апаларымыздың жүздеріне күлкі үйіріліп,

Мектебімізде әр аптаның жұма күндері "Адалдық дүкені" ұйымдастырылады. Шараның мақсаты - балалардың бойындағы шынайылық қасиетті нығайтып, адалдыққа тәрбиелеу.

2019 жылдың 14 қыркүйегінде Жамбыл облысы, Сарысу ауданы, Жайылма ауылында қазақ күресінен 2007-2008 жылы туылған жасөспірімдер арасында облыстық турнир өтті. Жарыста Абай атындағы орта мектебінің оқушылары төмендегідей нәтиже көрсетті. 6 сынып оқушысы Патқұлла Санжар- І орын, 6 сынып оқушысы Сайфумалик Еркебұлан- ІІІ орынды иеленді.

Алматы облысы, Жамбыл ауданы, Сұраншы батыр ауылында 02.09-04.09. 2019 ж. күндері аралығында Сұраншы батырды еске алуға арналған 2001-2002 ж.т. жасөспірімдер арасында "Қазақ күресінен"республикалық турнир өткізілді. Дүрбілі дода Абай атындағы орта мектебінің оқушылары мен түлектері жеңіс тұғырынан көрінді. Қырғызбек Нұрлан - І орын, Жармұханбет Аслан - ІІ орын, 10 сынып оқушысы Дүйсенбек Асылхан - ІІІ орын иеленді.

Абай атындағы орта мектебінің ұжымы мен 9-11 сынып оқушылары арасында 5 қырқүйек Қазақстан халқы тілдері мерекесіне орай латын қарпінде жазу дағдыларын қалыптастыру мақсатында ағымды жылдың 6 қыркүйек күні сағат 10.00-де аудан көлемінде бір мезгілде "Жаңа қазақ әліпбиі-рухани жаңғырудың бастауы" атты жаппай диктант жазу акциясы өтті. Акцияның мақсаты латын негізді қазақ әліпбиінің "Қазақ тілі емлесінің негізгі ережелері" жобасының практикалық тұрғыда меңгеру, өзін-өзі бағалау, бейімдеу.

2 қыркүйек күні Абай атындағы орта мектебінде "Рухани жаңғыру" бағдарламасын іске асыру мақсатында "Бір бала - бір ағаш" акциясы өтті. Ағаш отырғызу акциясына "Жас Ұлан" ұйымы мүшелері мен 1 сыныпқа келген оқушылар қатысты. Олар 30 түп алма ағаш көшеттерін мектеп ауласына отырғызды. Егілген ағаштарды күтіп-баптау жұмыстары "Жас Ұлан", "Жас Қыран" ұйымдары мүшелерінің көмегімен жүргізіліп отырады.