16 желтоқсан ҚР Тәуелсіздік күні

Абай атындағы орта мектебінде16 желтоқсан Қазақстан Республикасының Тәуелсіздік күні мерекесіне орай, іс-шара жоспары әзірленіп, бекітілді. Мектеп кіреберісіндегі стендке желтоқсан оқиғасына байланысты суреттер, тәуелсіздік күнін мерекелеуге арнайы жасалған банер ілінді. Сонымен қатар, технология пәні мұғалімдерінің ұйымдастыруымен «Тәуелсіздік – елімнің ерлік жолы» тақырыбында қолөнер бұйымдары көрмесі өтті. «Тәуелсіздік жүріп өткен жолдар» тақырыбында 1-11 сыныптарында тәрбие сағаттары өткізілді. Қазақстан Республикасының Тәуелсіздік күніне «Жас Ұлан», «Жас Қыран» ұйымына оқушыларды қабылдау жиыны өткізілді. Мектеп директоры-Қ.Сисенғалиев 3 сынып оқушыларының «Жас Қыран» және 5 сынып оқушыларының «Жас Ұлан» ұйымына қабылдануларымен құттықтап, оқушыларға төсбелгі мен галстуктарын салтанатты түрде кеуделеріне тағып берді. Жиын соңы «Елімнің бақытын тербеткен Тәуелсіздік» тақырыбында мектеп өнерпаздарының ұйымдастыруымен мерекелік концертпен жалғасты.