мектеп әкімшілігі мен "Жас Ұлан" бірыңғай балалар мен жасөспірімдер ұйымының белсенділері жаңа оқу жылына арналған оқулықтардың жағдайын тексеріп шықты

📚 2025 жылдың қыркүйек айында мектеп әкімшілігі мен "Жас Ұлан" бірыңғай балалар мен жасөспірімдер ұйымының белсенділері жаңа оқу жылына арналған оқулықтардың жағдайын тексеріп шықты.

🔍 Тексеру барысында оқулықтардың физикалық жағдайы (бетіндегі жыртылу, жазбалар, мұқабасының бүтіндігі) мен олардың толықтығы қаралды. Мақсат – оқушылардың сапалы әрі таза оқулықтармен қамтамасыз етілуін бақылау.

🧐Мектеп оқулығын жыл соңына дейін сапалы сақтау үшін оқушы мынадай ережелерді сақтауы қажет:

📚Оқулықты күту жолдары бойынша оқушыларға берілген кеңестер:
1. – оқулықтың беті кірлемеу, жыртылмау үшін қағаз немесе арнайы мөлдір қаппен қаптау.
2. Атын жазу – оқулық жоғалмас үшін ішкі бетіне немесе қаптамасына оқушының аты-жөнін жазып қою.
3. Тазалық сақтау – кітапты таза қолмен ұстау, беттерін шимайламау, сызбау.
4. Жыртпау, бүктемеу – парақтарын жыртпау, бұрыштарын бүктемеу.
5. Бетбелгі пайдалану – қажетті бетті табу үшін бетбелгі қолдану, парақ бұрышын бүктемеу.
6. Ылғалдан сақтау – кітапты суға, жаңбырға тигізбеу, ас-су қасына қоймау.
7. Сақтап алып жүру – сөмкеге дұрыс салып, ауыр заттармен бірге қоймау.
8. Уақытында жөндеу – жыртылған жері болса, дереу жабыстыру.