Құрметті ұстаздар! Қымбатты оқушылар, ата-аналар және қонақтар!

Бүгінгі жарқын да қуанышты мереке, мектеп бітіруші түлектерге арналған «Білімім - Отаныма!» атты салтанатты жиынға қош келдіңіздер!

      Бүгінгі күн ешқандай мерекемен тең келмейтін, білімнің асқар шыңына жетелейтін, қайталанбайтын күн!

        2025-2026 оқу жылы білім саласындағы өзгерістермен ерекшеленді. Қазақстан Республикасының Оқу-Ағарту министрлігінің «Адал азамат» Біртұтас тәрбие бағдарламасы аясында мектепте тәрбие саласы бойынша бірқатар жұмыстар атқарылды. 

        Жамбыл ауданы білім бөлімінің әдістемелік кабинетінің «Тьютор Жамбыл» жобасының 2026 жылғы жоспарына сай 5 аймақтың жетекші мектебі ретінде Абай мектебі болып белгіленді. Осы жоба аясында мектепте «Ашық есік» күні өткізіліп, ұстаздарымыз өз іс-тәжірибелерімен бөлісті.

        Сондай ақ, 29 әріптесіміз халықаралық, республикалық аудандық және облыстық іс-тәжірибе тарату алаңдарында өздерінің іс-тәжірибелерін таратты.

        Биылғы оқу жылын 515 оқушымен бастап, жыл соңында 517 оқушымен аяқтап отырмыз. 1-11 сынып оқушылары арасынан 103 оқушы «ОҚУ ҮЗДІГІ» 209 оқушы екпінді оқушылар қатарында. 9   сыныптар бойынша - 2 оқушы «Үздік аттестатқа» үміткер атанып отыр.  

          Мектепте 70 мұғалім қызмет атқарды. Республикалық баспа беттерінде 39 ұстаздың мақалалары мен сабақ жоспарлары жарық көрді. Жалпы білім беретін пәндер бойынша Республикалық ғылыми жобалар конкурсының облыстық кезеңінде Шүкіроғлы Жемал Мустапаевичтің жетекшілігімен 9 сынып оқушысы – Жұмабек Нұрәділ 2 дәрежелі дипломмен марапатталды. Мектебіміздің география пәнінің мұғалімі – Сисенгалиева Айжан – аудандық «Үздік авторлық бағдарлама» байқауында 1-дәрежелі      диплом, облыстық кезеңде 3 орынды иемденді. 

         Ағымдағы жыл мектебіміз үшін табысты жыл болды деп есептейміз. Атап айтсақ, мұғалімдеріміз бен оқушыларымыз әр түрлі кәсіби байқаулар, мен  шығармашылық байқауларға қатысып, түрлі спорттық жарыстардан түрлі дәрежедегі орындар мен дипломдар иеленді. 

Аудандық, облыстық «Мақатаев оқулары», «Абай оқулары», «Ақберен» және тағы басқа байқауларда 25 оқушы жүлделі орындарға ие болды. 

Спорттық жарыстарды айтатын болсақ. 

      «Жас Барыс» халықаралық турнирде 11 сынып оқушысы Галиакпар Саламат 3 орын алды. Асхат Әмір волейболдан республикалық халықаралық жарыстар жеңімпазы атанды.

Республикалық оқушылардың жазғы гимназиадасында 4 оқушымыз жүлделі орынға ие болды: 

• Габидулла Оразбек асық ату, 
• Керімжан Дарина қазақ күресі,
• Забихолла Ерсұлтан мен Нұрбай Бекнұр асық ату.

     Күні кеше Қызылорда қаласында өткен 14 облыс 3 қаладан 500 ден астам спортшы қатысқан Қазақ күресінен республикалық чемпионатта  9 сынып оқушысы Махмут Алинур 1 орын иеленді. 

          Биылғы оқу жылында мектебіміздің 22 түлегі Ұлттық Бірыңғай Тестілуеге барады. Оның ішінде 14 оқушы шығармашылық пәндер бойынша сынақ  тапсырады.

Түрлі спорттық, интеллектуалдық, шығармашылық байқаулардан мектеп оқушылары төмендегі жетістіктерге жетіп отыр:

       Баршаңызды бүгінгі  оқу жылының аяқталуымен шын жүректен құттықтаймын! Сіздерге бүгінгі ерекше, жайма шуақ күні жақсы көңіл – күй, жаңа жетістіктерге ұдайы ізденіс пен шығармашылық табыс, мықты денсаулық және жаңа бастамаларда тек қана сәттілік тілеймін!